BANGUNGOT SA MARALITA ANG PAMAHALAAN KINATAWAN NG MAYAYAMAN

*****

Pagkatapos ng Habagat na dumaan sa ating bayan at mga karatig. Kompleto na at lumipas na sa akin ang mga alaala at maraming gabi na masarap ang aking tulog. Ngayong araw lamang, ako parang nabangungot sa aking paggising.

(Inaalis ang putik sa loob ng bahay)
Biglang pumasok sa isip ko ang Kasiglahan Village sa Rodriguez, Rizal kung saan napasama ako sa paglilinis at pag-aalis ng mga putik sa loob ng mga kabahayan doon. Ang naganap sa Kasiglahan Village ay isang delubyo sa mga nakatira doon.

Ang Rodriguez, Rizal ay isang paboritong lugar ng pamahalaan kungsaan inilalagay ang mga pamilya pinapa-alis sa kanilang mga tirahan sa kalakhang maynila. Na ayon sa pamahalaan, sa pamamagitan ng ahensyang namamahala sa pabahay ay nakatira sa mga mapanganib na lugar na dapat ilipat at ilagay sa ligtas na lugar. Ayon sa Gobyerno dito sa Rodriguez, Rizal ang ligtas na lugar. 

Pagkatapos kusang loob at sapilitang lisanin ng mga pamilya ang kanilang tirahan na sinasabi ng pamahalaan na mapanganib ay matatanaw mo sa mga lugar na iyon na  parang kabote na lumilitaw ang naglalakihang gusali ng negosyo, Condominium, nagtataasang gusali ng komersyo na pang-inganyo sa mga local at dayuhang torista.
(Kasangkap sa quarry sa pagitan ng ilog at kabahayan)

Sa isang araw na aking pananatili sa Kasiglahan Village, ay napansin ko ang mga patag na lugar o lupain ay pinapa-ikotan ng matatayog na bundok, sa kaliwa, kanan, likod, harap at ang mga bundok na ito ay sinisiguro ko ay kalbo na at mapapansin mo na may lugar na uka-uka na palatandaan na hinuhukay-isa sa pinagkakakitaan ng pamahalaan ng Rodriguez ay ang quarry.

Ang mismong Kasiglahan Village ay nasa tabi ng ilog na malapad at mababaw. Ayon sa pakikupag-kwentohan ko sa mga tagaroon, ang kabahayan mismo ay nakapatong sa isang pinatay na ilog.
(Kung ang puso negro hindi nakaligtas mga tao pa kaya)
Kaya naisipan ko na isulat ang kwentong ito, sapagkat hindi ko narinig na mabalita ang lugar na ito sa Radyo, hindi ko din natunghayan sa Dyaryo, hindi ko napanood sa Telebisyon. Ang mga balita na aking natunghayan sa Kasiglahan Village ay ang pagdalaw doon ng Pangulo ng Pilipinas at sa kanyang tapumpati ay sinabi niya na “mapalad pa din ang mga tagaroon”.
Laman din ng balita ang kaliwa’t kanang pamamahagi ng tulong (relief) sa mga biktima ng iba’t-ibang ahensya ng pamahalaan at mga pribado kasama na ang grupong aking sinamahan. Hindi ko natunghayan sa mga balita ang aking narinig na sa lugar na iyon ay may 13 namatay, may isang ina na nanganak sa bubungan. May nakausap din ako na rescuers na sa panahon na tumaan ang tubig ay hindi sila nalusong para magligtas ng mga nakulong ng tubig, sapagkat NAPAKALAKAS NG AGOS ng tubig.

Hindi ba balita para sa naglalakihang negosyo sa pagbabalita ang nangyari sa Kasiglahan Village? Sadya bang itinago ang katotohanan sa lugar na ito? Sa aking makitid na pang-unawa sa mga pangyayari ay nasasabi ko na;
  1. Ang pagpapalikas sa mga kababayan nating naghihirap sa loob ng metro manila ay hindi para alisin sila sa mapanganib na lugar na kanilang tinitirhan bagkus, ay ilipat sa isang mas-mapanganib na lugar.
  2. Ang pagpapaalis sa kanila ay para bigyan daan angg kapritso ng naglalakihang negosyante sa ating bayan.
  3. Itago ang ating mga kababayang naghihirap sa mga dayuhang negosyante para maging kaaya-aya sa mata ng mga dayuhan at torista.
  4. Walang kaseryosohan ang gobyerno na bigyan ng maayos na pamumuhay ang mga maralita.

Sa pananaw ng ating Gobyerno ang maraming bilang ng mamamayan ang dahilan kaya ang ating bayan ay naghihirap. Kaya ang sulosyon ay RH Bill at ang paglilipat sa ating kababayan sa mas-mapanganib na lugar na kung sakaling magkaroon ng sakuha dulot ng kalimidad kabawasan na sa problema ng populasyon.

*****
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s